Да Дня беларускай пісьменнасці

6 верасня Арабаўшчынская базавая школа  запрасіла вучняў адзначыць Дзень беларускай пісьменнасці, які сёлета адзначаецца ў г.Ліда. Хлопчыкі і дзяўчынкі  сталі ўдзельнікамі часа духоўнасці “Ад літары да кнігі”. У ходзе мерапрыемства шостага школьнага дня вучні ўзнавілі і паглыбілі веды аб гісторыі ўзнікнення і святкавання ўрачыстасці, азнаёміліся з навінкамі беларускага кнігавыдання, адказвалі на пытанні інтэлектуальнай віктарыны, працавалі са словамі.

Мерапрыемства садзейнічала папулярызацыі роднага слова; абагуліла і пашырыла веды вучняў пра развіццё беларускай культуры і пісьменства; культурна-гістарычную спадчыну беларусаў; садзейнічала фарміраванню эстэтычнага густу, выхаванню патрыятычных пачуццяў да мінулага і сучаснага Радзімы.