Тыдзень роднай мовы
“Як ты дорага мне, мая родная мова!”
З 16 верасня па 23 верасня ва ўстанове адукацыі праходзілі мерапрыемствы Тыдня роднай мовы “Як ты дорага мне, мая родная мова!”.
Згодна плана ў школьнай бібліятэцы была аформлена выстава “Сэрцам роднага слова краніся”, вучні 8-9 класаў пісалі рэспубліканскі дыктант “Дзень народнага адзінства”, прымалі ўдзел у конкурсе творчых пісьмовых работ “За што я люблю родную мову”.
Вучні пачатковых класаў выраблялі і прэзентавалі віншавальныя паштоўкі “Пажаданні роднай мовы”, адказвалі на пытанні тэматычнай віктарыны “Мова родная – мова бацькоў”, чыталі вершы аб роднай мове, ілюстравалі эпізоды твораў Я.Купалы і Я. Коласа.
Вучні сярэдняга звяна праглядзелі пастаноўку “Паўлінка”, сталі ўдзельнікамі экскурсіі ў музей-сядзібу Міцкевічаў “Завоссе”.
Усе вучні ўстановы адукацыі прынялі ўдзел у акцыі “Размаўляй са мной па-беларуску”.
Правядзенне мерапрыемстваў Тыдня садзейнічала папулярызацыі гучання беларускага слова і развіццю цікавасці да беларускамоўных выданняў.