Дзень настаўніка ў Арабаўшчынскай базавай школе
1 кастрычніка, напярэдадні прафесійнага свята, педагогаў ўстановы адукацыі павіншаваў начальнік аддзела па адукацыі Баранавіцкага райвыканкама Вінаград Сяргей Міхайлавіч. Па выніках года школа заняла І месца сярод базавых школ Баранавіцкага раёна. У святочнай атмасферы дырэктару ўстановы адукацыі быў уручаны Дыплом і грашовы сертыфікат.
Неабходна адзначыць, што Дзень настаўніка ва ўстанове адукацыі прайшоў у форме самакіравання. На перапынках працавала школьнае радыё са словамі ўдзячнасці педагогам за іх высакародную працу з пажаданнямі міру, здароўя, творчых поспехаў, спагадлівых вучняў. Школа ў Дзень самакіравання патанала ва ўсмешках і кветках, царыла атмасфера спагады, дабрыні.
Настаўнікаў сваіх не забывайце,
Усе іх вучні – у сэрцы назаўжды.
Настаўнікаў часцей успамінайце.
Яны ў краіну ведаў нас вялі.