“Ён стаў легендай…”
У яго было чатырнаццаць секунд, каб зрабіць выбар паміж жыццём і смерцю. Гэтыя чатырнаццаць секунд сталі высокімі імгненнямі подзвіга ў імя выратавання жыццяў другіх людзей. Лётчыку Уладзіміру Карвату ўдалося адвесці палаючы знішчальнік-перахватчык СУ-27 ад вёсак Арабаўшчына і Вялікія Гацішчы познім вечарам 23 мая 1996 года.
Прайшло ўжо 24 гады з таго трагічнага дня, калі, ахвяруючы сваім жыццём, падпалкоўнік Уладзімір Карват выратаваў ад гібелі дзясяткі жыццяў мірных жыхароў. Указам Прэзідэнта Рэспублікі Беларусь за мужнасць і гераізм яму было прысвоена званне Героя Беларусі (пасмяротна).
Напярэдадні сімвалічнай даты ва ўстанове адукацыі “Арабаўшчынская базавая школа” прайшлі Урокі мужнасці “Ён стаў легендай...”. Акцябраты і піянеры ўсклалі кветкі да мемарыяльнай кампазіцыі ў цэнтры аграгарадка Арабаўшчына, ушанавалі памяць аб У.М. Карвату піянерскім салютам і хвілінай маўчання.
Дадзеныя мерапрыемствы садзейнічалі выхаванню патрыятызму, мужнасці, любові і адданасці любімай справе.
Штаб “Інфармаванне” піянерскай дружыны імя Марата Казея