Аздараўленне дзяцей падчас веснавых канікул
У рамках плана работы школы на перыяд веснавых канікул у школе працаваў аздараўленчы лагер “Іскрынка” для 15 вучняў 1-5 класаў. Запланаваныя педагогамі школы мерапрыемствы садзейнічалі прывіццю экалагічнай культуры, выхаванню патрыятызму: “Мая Беларусь” (віртуальная вандроўка), “Хачу ўсё ведаць пра Беларусь” (свая гульня), “Птушкі роднага краю” (інтэлектуальная гульня), “Дзве сястры – Беларусь і Расія” (вусны часопіс), “Дзяцінства апаленае вайной” (літаратурная гасцёўня), “Наш агульны дом - прырода” (турнір). Вучні таксама прымалі актыўны ўдзел у Тыдні дзіцячай кнігі і музыкі, у спартыўных мерапрыемствах.
Работнікі школьнай сталовай рыхтавалі для вучняў збалансаванае трохразовае харчаванне.
Выхаванцы аздараўленчага лагера атрымалі запал бадзёрасці і добрага настрою на далейшую вучобу.