Вытокі беларускага пісьменства
3 верасня вучні 3-9 класаў сталі ўдзельнікамі інтэлектуальнага аўкцыёна “Вытокі беларускага пісьменства”, які быў прымеркаваны да Дня беларускай пісьменнасці. У ходзе мерапрыемства вучні ўзнавілі веды аб гісторыі ўзнікнення і святкавання ўрачыстасці, азнаёміліся з навінкамі беларускага кнігавыдання. Дзве каманды вучняў, “Асветнікі” і “Моваведы”, адказвалі на пытанні віктарыны, чыталі вершы, разгадвалі крыжаванкі, шарады.
Мерапрыемства выхоўвала любоў да Радзімы, да культурнай спадчыны, роднай мовы; абагуліла і пашырыла веды вучняў пра развіццё беларускага пісьменства і культуры; выклікала цікавасць да культурна-гістарычнай спадчыны беларусаў; садзейнічала фарміраванню эстэтычнага густу, выхаванню патрыятычных пачуццяў.