Аздараўленне на веснавых канікулах

У рамках акцыі “Карысныя канікулы” ва ўстанове адукацыі Арабаўшчынская базавая школа на перыяд веснавых канікул вучні пачатковых класаў з 29 сакавіка па 3 красавіка адпачывалі ў прышкольным аздараўленчым лагеры “Іскрынка”. Педагогамі школы для выхаванцаў праводзіліся мерапрыемствы грамадзянска-патрыятычнага накірунку, вялася фізкультурна-аздараўленчая, экскурсійная работа.  Для вучняў таксама было арганізавана збалансаванае трохразовае харчаванне. Выхаванцы з задавальненнем наведвалі ўстанову адукацыі падчас аздараўленчай кампаніі.