Рэалізацыя мерапрыемстваў шостага дня тыдня ў Арабаўшчынскай БШ

Мерапрыемствы шостага школьнага дня тыдня,  27 лютага, прайшлі з карысцю для вучняў установы адукацыі. Удзельнікі падрыхтавалі прэс-паведамленне “Смерць пад назвай “спайс”, вучні праглядзелі і абмеркавалі відэафільм “Паляўнічыя за розумам”, былі азнаёмлены з вытрымкамі з Дэкрэта “Аб неадкладных мерах па супрацьдзеянні незаконным абарачэнні наркотыкаў”.

А напярэдадні суботы з вучнямі 5-9 класаў было праведзена анкетаванне па выяўленні ведаў аб наркотыках, праведзена гутарка “Стоп-спайс” з нагоды Міжнароднага дня барацьбы з наркаманіяй і наркабізнесам.

 Праведзеныя мерапрыемствы садзейнічалі папулярызацыі здаровага ладу жыцця, выхаванню культуры бяспечнай жыццядзейнасці.

Неабходна адзначыць, што ў гэты дзень зборная каманда ўстановы адукацыі ўдзельнічала ў фінальных раённых спаборніцтвах па настольным тэнісе.