Экскурсія ў вёску Русіно Баранавіцкага раёна

19 снежня вучні 1-9 класаў наведалі вёску Русіно Баранавіцкага раёна, каб азнаёміцца з экспазіцыяй музея народных рамёстваў пад адкрытым небам.

У ходзе экскурсіі вучні пагулялі па падворку Цэнтра рамёстваў, убачылі кузню, паветку, млын. Даведаліся аб багатай міфалогіі нашых продкаў, пазнаёміліся з Зюзяй і Кікімарай, разам з імі развучылі беларускія народныя гульні. Затым сталі гледачамі батлеечнага прадстаўлення па матывах беларускай народнай казкі. Удзел у экскурсіі садзейнічаў пашырэнню кругагляду вучняў аб творчых здабытках малой Радзімы.