“Памятаем і ахоўваем”

 З 2 мая па 6 мая ў школе праходзілі мерапрыемствы акцыі “Памятаем і ахоўваем”: класныя і інфармацыйныя гадзіны вызначанай тэматыкі, адзіны ўрок, прысвечаны падзеям Вялікай Айчыннай вайны. 6 мая каля помніка “Смуткуючая маці” ў вёсцы Калдычэва вучні сталі ўдзельнікамі Урока мужнасці  да Дня Перамогі “Адпалалі тыя страшныя гады”, віншавалі з Днём Перамогі ветэрана вайны Сераду Канстанціна Уладзіміравіча, былога настаўніка школы.

З днём святочным Перамогі

Наш шаноўны ветэран!

Сяброў тваіх няма ўжо многіх,

Ды шмат яшчэ душэўных ран.

Няхай бясконцым будзе шчасце –

Гарыць агеньчык у акне.

Унукаў шмат – у кожнай хаце

З усмешкай людзям і вясне.