Мы – грамадзяне Рэспублікі Беларусь
15 сакавіка школа далучылася да рэспубліканскай акцыі “Мы – грамадзяне Рэспублікі Беларусь”. Вучаніцы 8 класа Арцюх Кацярына і Майсейчык Наталля атрымалі свае першыя пашпарты на святочных цырымоніях у сценах Канстытуцыйнага суда Рэспублікі Беларусь і Гарадзішчанскай сярэдняй школы Баранавіцкага раёна. Нягледзячы на юны ўзрост, у кожнай з дзяўчынак ёсць дасягненні ў вучобе і грамадскім жыцці школы. У гэты дзень па класах былі праведзены мерапрыемствы, прымеркаваныя да Дня Канстытуцыі. Вучні школы сістэматызавалі свае веды аб асноўным Законе краіны, гісторыі яго станаўлення, пазнаёміліся з раздзеламі Канстытуцыі. Правядзенне акцыі “Мы – грамадзяне Рэспублікі Беларусь” садзейнічала выхаванню прававой культуры вучняў, развіццю грамадзянскасці і патрыятызму.